Денеска имаме свеж пресврт на омиленото јадење во секое домаќинство: италијански полнети пиперки. Слатки пиперки полнети со солена мешавина од мелено пилешко или мисиркино месо, италијански зачински билки и сирења и интегрални житарки по ваш избор.

Италијанските вкусови и црвените пиперки природно се согласуваат. Со малку свеж босилек и моцарела и пармезан, ова би можел да биде вашиот омилен рецепт за полнети пиперки досега!

Ако не сте пробале нешто вакво, не знаете што пропуштате. Благиот вкус на полнетите пиперки зачинете го со лути пиперчиња и уживајте.

Состојки:

– 4 големи црвени пиперки
– 2 лажички екстра девствено маслиново масло
– 450 г мелено пилешко или мисиркино месо
– 2 лажички италијански зачини
– 1 лажичка лук во прав
– половина лажичка сол
– четвртина лажичка лута пиперка во прав или до половина лажичка ако сакате полуто
– 450 г или 1 конзерва сечкани домати без сол со соковите
– 280 г варен кафеав ориз фаро, киноа или орзо (ако користите орзо, не го варете до крај)
– 120 г рендано моцарела
– 120 г пармезан
– 2 лажици сечкан свеж босилек

Подготовка:

Загрејте ја рерната на 190 степени. Исечете ги пиперките на половина од врвот до дното. Отстранете ги семките и мембраните, а потоа наредете ги со пресечената страна нагоре во подготвениот сад за печење.

Загрејте го маслиновото масло во големо тенџере со нелеплива површина на средно силен оган. Додајте ги пилешкото, италијанските зачини, лукот во прав, солта и лутите пиперчиња. Гответе, одвојувајќи го месото, додека пилешкото не порумени и не се свари, околу 4 минути. Исцедете го вишокот течност, потоа додајте ја конзервата сечкани домати и нивниот сок. Оставете да крчка 2-3 минути.

Тргнете го тенџерето од оган. Измешајте го оризот (или фаро) и 120 г моцарела и 25 г пармезан. Ставете го филот во пиперките, а потоа наросете го со преостанатото сирење.

Сипете малку вода во тавата со пиперките – доволно за едвај да го покрие дното. Печете непокриено 30 до 35 минути, додека пиперките не омекнат, а сирењето не се растопи. Посипете со свеж босилек. Сервирајте топло.

Остатоците чувајте ги во фрижидер до 4 дена или замрзнати до 3 месеци. Оставете ги да се одмрзнат преку ноќ во фрижидер.

Загрејте ги малку во микробранова печка или рерна. За најлесно загревање, прво исечете ги пиперките на неколку парчиња за да се загреат рамномерно.