Иран ја разгледува можноста да го прогласи имотот на Елон Маск во регионот за легитимна цел, објавија иранските државни медиуми. Новинската агенција Фарс соопшти дека потегот се разгледува по она што го опиша како доказ дека американските и израелските сили користеле инфраструктура управувана од компании поврзани со Маск, вклучувајќи ја сателитската мрежа „Старлинк“ и компанијата за социјални медиуми Х, во нападите врз Иран, пренесе Анадолија.

„Исламската Република Иран го задржува правото да ги нападне сите објекти поврзани со компаниите што ги управува Маск во регионот и на окупираните територии“, изјави воен извор за иранската новинска агенција „Фарс“

Иран мора да ја плати цената, ќе ги нападнеме силно, вели Трамп

Агенцијата соопшти дека инфраструктурата поврзана со „Старлинк“ во Израел, Катар, Јордан, Обединетите Арапски Емирати и Оман, како и објектите и инвестициите поврзани со СпејсХ, се меѓу средствата што се разгледуваат.

Фарс соопшти дека претходните извештаи откриле воена соработка во врска со проекти поврзани со Маск, вклучувајќи го и „Старшилд“ и лансирањето на воени сателити што се користат за набљудување на Земјата, шифрирани комуникации и безбеден пренос на податоци.

Неименуван извор цитиран од Фарс тврди дека американската војска, со поддршка од компании поврзани со Маск, била вклучена во акции, вклучително и напади врз водоводната инфраструктура во јужен Иран.

Изворот рече дека Иран „го задржува правото да ги таргетира објектите поврзани со холдинг компаниите под управување на Маск низ целиот регион и во Израел“.

Илон Маск, Тим Кук и директори од Волстрит патуваат со Трамп во Кина