Американскиот претседател Доналд Трамп објави дека ги откажал нападите на Иран планирани за вечерва, објави Ројтерс. Тој претходно денеска се закани со „многу силни напади“ врз Иран.

„Врз основа на фактот дека разговорите со Исламската Република Иран се подигнати на највисоко ниво од иранското раководство и се одобрени, јас, како претседател на Соединетите Американски Држави, ги откажав планираните напади и бомбардирања на Иран за вечерва“, напиша Трамп на неговата социјална мрежа.

Based on the fact that discussions with the Islamic Republic of Iran have been brought to the highest level of Iranian leadership and approved, I have, as President of the United States of America, cancelled the scheduled strikes and bombings against Iran this evening.… pic.twitter.com/m3ls9mTy46

— Commentary Donald J. Trump Truth Social Posts On X (@TrumpTruthOnX) June 11, 2026

„Разговорите и последните точки од договорот се одобрени, и во принцип и во детали, од сите вклучени страни, вклучувајќи ги Соединетите Американски Држави, Израел, Саудиска Арабија, Обединетите Арапски Емирати, Катар, Турција, Пакистан, Бахреин, Кувајт, Јордан, Египет и други“, додаде Трамп.

„Поморската блокада ќе остане во полна сила додека не се финализира оваа трансакција – времето и местото на потпишување ќе бидат објавени наскоро“, рече тој.

Трамп во последните недели постојано повторуваше дека договорот со Иран е близу, но договор никако да се постигне.

Врховната здружена воена команда на Иран претходно во текот на денот предупреди дека САД ќе добијат одговор кој ќе биде „пожесток од порано“ доколку се обидат да извршат нови напади врз Иран.

„Или извозот на нафта и гас ќе биде можен за сите, или нема да биде можен за никого“, порача иранскиот воен врв.

Иран мора да ја плати цената, ќе ги нападнеме силно, вели Трамп