Светското првенство во фудбал во 2026 година се отвори во Мексико Сити, со првиот натпревар помеѓу домашната репрезентација на Мексико и репрезентацијата на Јужна Африка.

Натпреварот, кој е дел од првото коло од Групата А, почна од 21.00 часот.

За да се обезбеди безбедноста на учесниците и гледачите на овој голем спортски настан, полицијата организираше обемно обезбедување.

Повеќе од 80.000 навивачи се собраа на стадионот „Ацтека“ за да ги поддржат Мексиканците на отворањето на Светското првенство, а полицијата во земјата не сакаше ништо да остави на случајот, па затоа распореди невидени безбедносни сили.

Голем конвој од полициски возила и единици кои го следат движењето на тимовите и навивачите беше виден пред стадионот.

Деновиве има и големи протести во Мексико поради илјадниците исчезнати лица во оваа земја, каде што нарко-картелите се голем проблем со децении.