Неколку спрата и ходници во Пентагон се блокирани, а други делови се евакуираат поради „инцидент со опасни супстанци“, потврдија три добро информирани извори и локалната противпожарна служба. Се работи за седиштето на Министерството за одбрана на САД, пишува Си-ен-ен.

Портпаролот на Пентагон, Шон Парнел, потврди во четврток дека системите на зградата „откриле проблем со квалитетот на воздухот што бара мерки на претпазливост додека не се утврди неговата природа“.

„Министерството спроведува стандардни протоколи за заштита, вклучително и наредба за останување дома за погодената област. Тимовите за итни интервенции се на терен и се подготвени да ги поддржат оние во зградата“ рече Парнел.

На терен се службите за итни интервенции

„Тимот за опасни супстанции на Агенцијата за заштита на Пентагон (PFPA) реагира на инцидентот со помош на противпожарната служба на округот Арлингтон“, изјави портпаролката на одделот, капетан Џејми Џил.

Противпожарната служба на Арлингтон објави на социјалните медиуми дека нивниот тим за опасни супстанци работи на инцидентот во Пентагон.

ВИДЕО | Автобуси се судрија кај Пентагон – повредени се 23 луѓе, меѓу нив и вработени во „Министерството за војна“

Пораката испратена од безбедносниот тим на Пентагон вели дека е откриен „проблем со квалитетот на воздухот“ и дека е потребно дополнително тестирање.

Мерки на претпазливост

„Ова дополнително тестирање може да трае од еден до два часа. Тимовите за итни интервенции се на лице место и се подготвени да им помогнат на луѓето во зградата доколку е потребно. Може да забележите персонал од повеќе агенции во дворот и дека се преземаат мерки на претпазливост. Ве молиме не донесувајте никакви заклучоци врз основа на овие активности“, се вели во пораката.

Два извори рекле дека се блокирани од вториот до петтиот кат во ходниците, од четвртиот до седмиот кат во огромниот комплекс на Пентагон. Трет извор изјавил за Си-ен-ен дека полицијата во зградата носи гас-маски и целосна хемиска заштитна опрема.

„Пентагон размислува за нуклеарен напад врз Иран“ – шокантна изјава на пензиониран офицер