Два автобуса денеска директно се судрија блиску до автобуска станица кај Пентагон, при што беа повредени 23 луѓе, вклучително и персонал на Министерството за одбрана, објави „Асошиејтед прес“.

Автобусите на јавниот превоз „Омни рајд“ и „Ферфекс конектор“ се удриле еден во друг кратко пред 7:30 часот наутро, се наведува во соопштението за медиумите на Агенцијата за заштита на силите на Пентагон. Екипите за итна помош пренеле 18 од повредените во локалните болници за дополнителна медицинска евалуација, а на петмина им била укажана помош на самото место.

Десет од 23-цата повредени патници се вработени во Министерството за одбрана.

Pentagon bus crash caught on camera: Here’s the video of the Fairfax Connector and Omniride buses colliding at 7:19 a.m. As many as 18 people with mostly minor injuries. One person was taken to a trauma center. All patients have been taken care of. @ArlingtonVaFD has turned the… pic.twitter.com/pWTkmgcnuM

— Dave Statter (@STATter911) April 24, 2026

Пристапниот пат до метрото беше затворен додека трае истрагата за несреќата. Судирот го промени режимот на јавниот превоз во текот на неколку часа. Снимките од безбедносните камери на местото на настанот го прикажуваат моментот на директниот судир меѓу двата автобуса.

Пожарната служба на Арлингтон го потврди судирот и нивната интервенција, но за сите дополнителни прашања упати кон Агенцијата за заштита на силите на Пентагон, федералната агенција за спроведување на законот во Пентагон.

Засега останува нејасно што го предизвикало судирот.

ВИДЕО | Возови директно се судриле во Данска – 13 луѓе се во болница, четворица од нив се тешко повредени