Стотици илјади луѓе останаа без електрична енергија откако торнада и силни бури го погодија Средниот Запад на САД, а најмалку едно лице загина, објавија денеска американските медиуми.

Бурата оштетила повеќе згради и предизвикала откажување на летови, објави „Си-би-ес њуз“.

🌪 Merrillville, Indiana Tornado Damage🌪️
A destructive tornado tore through Merrillville, Indiana, on June 11, 2026, causing severe damage across the area. Reports indicate 10–20+ homes were heavily damaged, with some homes partially wiped out, cars tossed, gas leaks reported,… pic.twitter.com/aRZBkBq0nb

— Chicago & Midwest Storm Chasers (@ChicagoMWeather) June 12, 2026

Повеќе торнада синоќа го погодиле подрачјето на Чикаго, а вкупно 11 градови во Илиноис и Висконсин пријавиле дека имало торнада.

Според службата за следење на комуналните услуги „Пауер аутиџ точка ус“, повеќе од 221.000 корисници во Илиноис до петок наутро биле без струја.

Во Де Мојн, во Ајова, 54-годишен маж починал во средата во камп за бездомници, откако бил погоден од дрво што се скршило и паднало за време на бурата, соопшти полицијата.

Мажот бил пронајден во критична состојба во четвртокот наутро и починал на местото на настанот, соопштија властите.

Пред да удрат торнадата, Центарот за предвидување бури при Националната метеоролошка служба го зголемил нивото на ризик од силни бури на четири од вкупно пет степени.

Според „Си-би-ес њуз“, ова е првпат Чикаго да има такво ниво на ризик од 15 јули 2024 година, кога областа беше погодена од рекордна серија од 32 торнада. Вакво ниво на ризик обично се случува еднаш на секои две години.

ВИДЕО | Храбар подвиг во Чикаго: Силен ветер однесе количка со бебе во леденото езеро Мичиген, го спаси момче кое не знаело да плива