Царината во Дубаи денеска спречи обид за криумчарење на 223 ретки водоземци и влекачи, меѓу кои гуштери, змии и скорпии, пренесува агенцијата „ВАМ“.

Запленетите животни биле откриени откако сомнителна, неподигната торба на Меѓународниот аеродром во Дубаи била подложена на детална контрола. Во неа имало 129 гуштери, 36 скорпии, осум змии и 50 жаби. Се претпоставува дека дел од животните се опфатени со Конвенцијата за меѓународна трговија со загрозени видови диви животни и растенија – ЦИТЕС.

Животните се предадени на Министерството за климатски промени и животна средина за понатамошна постапка во согласност со законските и еколошките прописи.

Халед Ахмед, директор на Управата за патнички операции, истакна дека успехот во откривањето на криумчарењето ја одразува стручноста и подготвеноста на царинските инспектори да се соочат со различни видови ризици на граничните премини, вклучително и заштитата на екосистемите и природните ресурси од опасностите на нелегалната трговија со диви животни.

Ново истражување — смртоносни змии се приближуваат кон населените места поради климатските промени