Легендарниот шведски фудбалер Златан Ибрахимовиќ моментално се наоѓа во Северна Америка, каде што е ангажиран како стручен консултант во телевизиските преноси на Светското првенство.

Поранешниот напаѓач учествуваше во анализа на групите пред почетокот на турнирот, при што откри која група му е најинтересна, но и за кого ќе навива на шампионатот.

„Ја избирам групата Л. Таму е Англија, па ќе видиме дали фудбалот се враќа дома. Тука е и Хрватска, јас имам корени од таму, па навивам за Хрватска на ова Светско првенство. Гана има многу таленти и ќе биде интересно да се види како ќе се претстави. Панама е аутсајдер во групата“, изјави Ибрахимовиќ.

Неговиот коментар за Панама предизвика и насмевки во студиото, а реакција имаше и поранешниот француски напаѓач Тиери Анри, кој беше гостин во емисијата.

Иако изрази поддршка за Хрватска, нема сомнеж дека Ибрахимовиќ ќе ги следи и настапите на Шведска, земјата во која е роден и за чија репрезентација има одиграно 122 натпревари и постигнато 62 голови.

Интересно е што овојпат не ја спомена Босна и Херцеговина, иако неговиот татко Шефик е роден во оваа земја. Неговата мајка Јурка Гравиќ потекнува од Хрватска, од околината на Задар.

Американците ги предупредија навивачите на Мундијалот да внимаваат на смртоносна дрога

ВИДЕО | Јужнокорејски навивач залута меѓу Мексиканци и стана дел од големото славје

ВИДЕО | Босанците прават спектакуларни сцени на улиците во Торонто

Канада е фаворит, БиХ брка изненадување на стартот од Светското првенство

ВИДЕО | Мундијалски вести: Шакира станува заштитно лице на Мундијалите, историја за Мора, поранешен „звездаш“ е херој на Јужна Кореја