Македонската репрезентативка Ива Младеновска ќе ја продолжи кариерата во редовите на Борусија Дортмунд, откако германскиот клуб денеска официјално го потврди нејзиниот ангажман.

Младеновска во Дортмунд пристигнува од францускиот Безансон, каде што настапуваше во изминатиот период и стекна значајно меѓународно искуство.

Од германскиот клуб не го криеја задоволството од новото засилување, истакнувајќи дека станува збор за млада и перспективна ракометарка со голем потенцијал.

„Со ангажманот на Ива Младеновска добиваме амбициозна ракометарка која веќе има искуство на меѓународната сцена. Задоволни сме што го избра нашиот клуб и веруваме дека ќе претставува значајно засилување за тимот“, порачаа од Борусија Дортмунд.

Германскиот состав зад себе има успешна сезона, откако ја заврши Бундеслигата на втората позиција. Воедно, клубот аплицираше и за специјална покана за настап во Лигата на шампионите, што дополнително ја зголемува амбицијата за наредната сезона.

На клупата таткото, на теренот синот: Горан и Даниел остануваат дел од Младост Богданци

Познати се датумите кога Македонија ќе игра на Мундијалот