Откако денеска ги доби противниците за Светското првенство во Германија, македонската ракометна репрезентација го дозна и распоредот на натпреварите во групната фаза од шампионатот.

Избраниците на селекторот Кире Лазаров ќе настапуваат во групата Х во Магдебург, каде што за ривали ќе ги имаат селекциите на Јапонија, Бахреин и Исланд.

Македонија настапот на Мундијалот ќе го отвори на 15 јануари со дуел против Јапонија. Вториот натпревар е закажан за 17 јануари, кога нашите ракометари ќе се соочат со Бахреин. Последниот предизвик во првата фаза ќе биде на 19 јануари против Исланд.

Според пропозициите на натпреварувањето, трите најдобропласирани репрезентации од групата ќе обезбедат место во следната рунда и ќе ја продолжат борбата за што подобар пласман на Светското првенство.

Светското првенство ќе се одржи од 13 до 31 јануари следната година, а домаќини на натпреварите ќе бидат германските градови Минхен, Штутгарт, Кил и Магдебург.