Српскиот тенисер Новак Ѓоковиќ никогаш не криел дека семејството му е најголемата поддршка во животот. Со сопругата Јелена е во среќен и стабилен брак од 2014 година, а иако на тениските терени е навикнат на огромно внимание од јавноста и милиони погледи вперени кон него, во приватниот живот најмногу ужива во мирните семејни моменти, далеку од спортскиот метеж и притисокот на професионалниот спорт.

Токму затоа секоја негова ретка објава поврзана со семејството, а особено со децата, привлекува големо внимание и предизвикува бројни позитивни реакции кај неговите обожаватели.

Незаборавни моменти со Тара и Стефан

Овој пат Новак Ѓоковиќ со своите следбеници сподели низа фотографии и видеоснимки од посетата на Париз, на кои се гледа како поминува драгоцено време со своите деца, ќерката Тара и синот Стефан.

 

View this post on Instagram

 

A post shared by Novak Djokovic (@djokernole)

На објавените снимки тенисерот може да се види во сосема поинакво издание од она на кое јавноста е навикната за време на големите турнири. Наместо рекет, спортска опрема и натпреварувачки дух, во преден план се насмевките, прегратките и спонтаните моменти поминати со неговите најмили.

Меѓу забележаните активности се заедничко вежбање, танцување, трчање, прошетки низ улиците на Париз, како и посета на музеј. Станува збор за едноставни, но драгоцени моменти кои создаваат спомени што остануваат за цел живот.

Ѓоковиќ и претходно зборувал за воспитувањето на своите деца, истакнувајќи дека токму најмладите се иднината и дека заслужуваат целосна поддршка за правилно да се развиваат и да го пронајдат сопствениот животен пат.

Тој нагласил и дека никогаш не би го принудувал својот син да се занимава со тенис, бидејќи смета дека таквата одлука треба да произлезе исклучиво од личната желба на детето, а не од очекувањата на родителите или јавноста.

ВИДЕО | Новак Ѓоковиќ заигра како мало дете — со ќерката Тара танцуваше на евровизиската песна „Бангаранга“