Македонскиот голман Антониo Столевски и во наредната сезона ќе го носи дресот на Шкендија Арачиново, откако клубот официјално потврди дека е постигнат договор за продолжување на соработката на уште една година.

Столевски беше еден од клучните фудбалери на тимот во минатата сезона и даде значаен придонес во остварувањето на амбициите на клубот, особено во бараж-натпреварите за пласман во Првата македонска фудбалска лига.

Од редовите на Шкендија Арачиново истакнаа дека искусниот чувар на мрежата ќе продолжи да има важна улога во тимот и во периодот што следува.

„Неговото искуство, професионалност и посветеност на теренот и надвор од него претставуваат голема вредност за клубот и гаранција за предизвиците што нѐ очекуваат во елитното натпреварување“, соопштија од клубот.

Дваесет и четиригодишниот голман од Прилеп во својата досегашна кариера ги бранеше боите на Победа, Велешта, Караорман, Кожуф и Слога Виница, а во Шкендија Арачиново пристигна во текот на пролетниот дел од сезоната.

По доаѓањето во клубот, Столевски брзо ја оправда довербата и се наметна како прв избор меѓу стативите, потврдувајќи ја својата важност во составот на тимот.