Македонската женска одбојкарска репрезентација го претрпе третиот пораз во Европската лига, откако на турнирот во Аликанте убедливо беше совладана од Шпанија со 3-0 во сетови (25-11, 25-6, 25-15).

Шпанските одбојкарки од самиот почеток го наметнаа своето темпо и целосно ја контролираа играта, не дозволувајќи им на избраничките на Македонија да се надеваат на изненадување. Особено доминантни беа во првите два сета, кои ги добија со голема разлика.

Најизрамнет беше третиот сет, во кој македонските репрезентативки успеваа да останат резултатски блиску до противникот и да парираат до 15-13. Сепак, Шпанија потоа направи серија поени и без поголеми проблеми го приведе натпреварот кон крај за конечни 25-15.

Во македонскиот состав најефикасни беа Милевска и Терзиевска, кои натпреварот го завршија со по четири освоени поени.

Следен предизвик за Македонија ќе биде дуелот против Азербејџан, кој е закажан за утре со почеток од 18:30 часот.