Британскиот премиер Кир Стармер му ветил на генералниот секретар на НАТО, Марк Руте,  дека неговата влада ќе објави план за инвестиции во одбраната пред самитот на Алијансата во Анкара следниот месец. Во телефонски разговор, Стармер и Руте се согласиле дека сојузниците мора да ја зајакнат својата колективна одбрана и да дејствуваат побрзо како одговор на заедничките и растечките закани, пишува Ројтерс.

Објавата доаѓа во услови на зголемен политички притисок врз Стармер откако министерот за одбрана Џон Хили поднесе оставка во четврток. Хили го обвини премиерот дека не успеал да обезбеди потребни средства за да ја заштити Велика Британија од растечките закани.

Портпаролот на Даунинг стрит го потврди ветувањето на Стармер во соопштение.

Премиерот ги презентираше плановите за инвестиции во одбраната, нагласувајќи ја својата посветеност да ги објави пред самитот на НАТО во Анкара, рече портпаролот.

Името на Трамп мора да се отстрани од Центарот Кенеди

Тој додаде дека Руте го поздравил зголеменото инвестирање на Велика Британија во одбраната како важен придонес кон Алијансата .

Самитот на НАТО во Анкара ќе се одржи на 7 и 8 јули. Британскиот план за инвестиции во одбраната, кој сега е објавен, требаше да биде објавен минатата година. Стармер, исто така, ја повтори својата цел да ги зголеми трошоците за одбрана на 3 проценти од БДП на следната седница на парламентот, велејќи дека националната безбедност останува врвен приоритет на Владата и покрај тешките буџетски одлуки.