Втора победа во низа за машката одбојкарска сениорска репрезентација на Македонија во годинешното издание од Европската лига.

На првиот меч во Глифада нашите најдобри одбојкари со 3:0 во сетови (25:21, 25:23, 25:19) го победија Исланд.

Македонија ја оправда фаворитската улога на овој дуел, диктираше темпо во текот на трите сета, но и си дозволуваше да се опушти во завршниците.

Капитенот Никола Ѓоргиев беше најефикасен со 24 поени, следен од Лука Костиќ со 10. Средните блокери Маџунков и Савовски постигнаа по осум, односно седум поени.

В недела избраниците на селекторот Јошко Миленкоски ќе се соочат со домаќинот Грција.