Негативната серија на женската А одбојкарска селекција на Македонија Европската лига продолжува и во четвртиот натпревар, кој во саботата со 3:0 во сетови (13:25, 15:25, 18:25) го загубија од Азербејџан, на турнирот во Аликанте.

За разлика од вчерашниот дуел со Шпанија, денеска нашите одбојкарки понудија посилен отпор, особено до средината на вториот и третиот сет и се надигруваа со противникот, а имаа и активен резултат.

За жал не успеваа репрезентативките да го задржат високото ниво на игра и во продолжението убедливо ги губеа сетовите.

Стојковска и Милевска реализираа по седум поени за нашата репрезентација, додека Василевска запиша шест поени.

Македонија со ова го завршува настапот на вториот турнир и се враќа дома, каде следниот викенд (19-21 јуни) во СЦ „Борис Трајковски“ во Скопје ќе виде домаќин на третиот турнир во годинешното издание.