Немили настани се случија по завршувањето на петтиот натпревар од финалето на грчкото кошаркарско првенство, во кој Олимпијакос победи (89:85) и стигна до титулата.

Еван Фурние беше прв стрелец во екипата на Олимпијакос со 22 поени, следен од Саша Везенков со 19 поени. Василис Толиопулос го предводеше Панатинаикос со 21 поен, но поразот остави горчлив вкус по турбулентната вечер.

До судир дојде во третата четвртина по прекршок врз Везенков, кога бекот на „зелените“, Кендрик Нан реагираше бурно, а центарот на „црвено-белите“ Тајрик Џонс се вклучи во расправијата. Ситуацијата брзо ескалираше во физички контакт, по што судиите ги исфрлија двајцата играчи од играта.

Според извештаите на странските медиуми, вклучувајќи ги Јурохупс и Ројтерс, инцидентот не заврши на теренот. Тензијата продолжи во ходниците на салата, каде што избувна уште еден судир меѓу играчите, со интервенција на редарите и полицијата.

На целиот случај му даде дополнителна тежина тренерот на Панатинаикос, Ергин Атаман, кој во изјава за грчките медиуми по натпреварот тврдеше дека Џонс влегол во соблекувалната и физички го нападнал својот играч, што предизвикало дополнителна тензија и шок во јавноста.

Инцидентот фрли сенка врз финалето кое требаше да биде круна на сезоната, претворајќи го решавачкиот натпревар во еден од најконтроверзните моменти во грчката кошарка во последно време.

Tempers are flaring overseas 😳

Tyrique Jones tried to choke Kendrick Nunn on the court, then later went into the locker room and punched him, causing an injury 😳

(Via @Eurohoopsnet ) pic.twitter.com/VQdWXl3BF1

— NBACentral (@TheDunkCentral) June 13, 2026

TYRIQUE JONES VS KENDRICK NUNN FIGHT 😲pic.twitter.com/XqJMFUBMbX

— Eurohoops (@Eurohoopsnet) June 13, 2026