Мануел Ноер испиша нова страница во историјата на германскиот фудбал, откако стана највозрасниот репрезентативец на Германија кој настапил на големо меѓународно натпреварување.

Искусниот голман на Баерн Минхен доби место во стартниот состав за натпреварот против Курасао на Светското првенство и на теренот излезе на возраст од 40 години и 79 дена. Со тоа Ноер го надмина досегашниот рекорд на легендарниот Лотар Матеус, кој настапи за Германија на Европското првенство во 2000 година како 39-годишник.

Голманот, кој е роден на 27 март 1986 година, претходно стави крај на репрезентативната кариера по Европското првенство во 2024 година. Во тој период зад своето име имаше 124 настапи и статус на голман со најмногу одиграни натпревари за германската национална селекција.

Сепак, селекторот Јулијан Нагелсман одлучи повторно да смета на неговите услуги и го вклучи меѓу патниците за Мундијалот.  Ноер своето мундијалско деби го имаше во 2010 година во Јужна Африка, а четири години подоцна беше еден од клучните играчи во германскиот поход до светската титула во Бразил. Тогаш ја освои и наградата „Златна ракавица“ за најдобар голман на шампионатот.

ВИДЕО | Најмалата нација во светот го даде својот прв гол на Мундијалите