ФОТО | Амал Клуни повторно покажа зошто е икона на стилот — новата фризура го носи гламурот од седумдесеттите
Амал Клуни ја покажа новата фризура која веднаш привлече внимание. Познатата адвокатка за човекови права во Бангкок се појави со освежен изглед инспириран од естетиката на лудите седумдесетти.
Препорачано
Новата фризура, која нејзиниот долгогодишен стилист Димитрис Џанетос ја нарече„bell-bottom“, е значително пократка коса и дополнителен волумен на краевите. Адвокатката ја претстави новата фризура на настанот „Женската иницијатива Картие“ во Тајланд, каде што сопругата на Џорџ Клуни уште еднаш го потврди статусот на модна икона.
View this post on Instagram
За разлика од нејзината препознатлива коса долга речиси до половината, овој пат Амал се одлучи за коса долга до градите. Косата останала сјајна и мазна, а прамените во боја на карамел дополнително го нагласиле волуменот на новата фризура.
Стилистот Џанетос објаснила за „Инстајл“ дека фризурата „bell-bottom“ е идеална за луѓе со лице во облик на V, бидејќи волуменот во долниот дел визуелно ги балансира пропорциите на лицето.
„Тоа е рамно сечена фризура со совршена доза на движење и волумен“, рекол познатиот фризер, додавајќи дека косата ја обликувал со благо виткање на краевите за да постигне ефект инспириран од седумдесеттите години.
View this post on Instagram
Виолетов фустан и луксузни детали
Амал Клуни го нагласи новото издание со елегантен фустан на модната куќа „Прада“ во нежна нијанса на јоргован. Моделот без ракави се истакнува со скулптурален крој со пеплум кој се протега преку колковите и долго тесно здолниште со висок шлиц на задната страна.
Стајлингот го комплетирала со метални сандали со потпис на „Аквазура“ и соодветна чанта, додека накитот од куќата „Картие“ додал дополнителна доза на луксуз. Таа избрала впечатливи обетки, прстен и белегзија кои совршено се вклопуваат во софистицираната модна приказна.
Инспирација во духот на безвременскиот гламур
На социјалните медиуми, Џанетос откри дека фризурата е создадена како одговор на геометриските линии на фустанот.
„Сакав да создадам нешто безвременско, елегантно, но во исто време и смело“, порача стилистот, опишувајќи го конечниот резултат како мек и луксузен фениран волумен.
Амал Клуни го заокружила целиот изглед со нежна шминка во тонови на лаванда и лилави нијанси на усните, потврдувајќи дека пастелните бои се еден од најпосакуваните трендови на сезоната.
Џорџ Клуни носи голема одлука пред 65-тиот роденден — веќе нема да го гледаме на големото платно?
ФОТО | Сите очи вперени во адвокатката: Амал Клуни го донесе целиот гламур во Венеција
