Еден од хероите на Мароко против Бразил во март играше за друга репрезентација и беше капитен
Ремито на Мароко против Бразил (1-1) во првото коло од групата Ц на Светското првенство донесе нова ѕвезда на големата сцена. Во центарот на вниманието се најде 18-годишниот марокански репрезентативец Ајуб Буади, кој со својата игра целосно го засени средниот ред на петкратниот светски шампион.
Препорачано
Младиот фудбалер на Лил одигра натпревар за паметење, а неговата доминација најдобро ја потврдува податокот дека селекторот на Бразил, Карло Анчелоти, беше принуден уште на полувремето да го замени искусниот Касемиро, кој не успеа да добие ниту еден значаен дуел против Буади.
Иако има само 18 години, Буади веќе е стандарден првотимец на Лил со речиси 100 настапи за францускиот клуб. Против Бразил забележа 91 процент успешни додавања (60 од 66), не погреши ниту едно додавање во последната третина од теренот, освои шест топки, пресече пет противнички акции и доби девет дуели.
View this post on Instagram
Дополнителна тежина на неговата приказна дава фактот што до неодамна настапуваше за младинските селекции на Франција. Буади ги мина сите категории, од репрезентацијата до 16 години па сè до селекцијата до 21 година, каде што ја носеше и капитенската лента.
Сепак, Фудбалската федерација на Мароко успеа да го убеди да го смени спортското државјанство. Според француските медиуми, клучна улога имал селекторот Мохамед Уахби, кој му гарантирал место во составот за Светското првенство и важна улога во тимот.
Во мај годинава Светската фудбалска федерација официјално го одобри неговото барање за промена на спортското државјанство, а само неколку дена подоцна Буади се најде на конечниот список на Мароко за Мундијалот.
Дебито на најголемата светска сцена го искористи на најдобар можен начин и уште во првиот настап покажа дека Мароко добил играч околу кого може да ја гради иднината во наредната деценија и пол.
View this post on Instagram
ВИДЕО | Бразил одигра реми против Мароко, стрелци Саибари и Винисиус Жуниор
ВИДЕО | Новинарка го налути легендарниот Ромарио: Кој не разбира фудбал размислува како тебе
