Претседателот на Србија Александар Вучиќ изјави дека, по девет години на функцијата, е делумно задоволен од она што го направила владата, но дека чувствува иста количина страв и надеж за иднината на земјата како во 2017 година.

-Во изминатите девет години, откако станав претседател, а пред тоа бев премиер, поминавме низ ужасни поплави. Започна мигрантската криза, потоа го имавме коронавирусот за време на мојот претседателски мандат, почетокот на конфликтот во Украина, колку што сакате турбуленции, тешки разговори за Косово и Метохија, и секогаш се обидувавме да ги зачуваме нашите витални национални и државни интереси- рече Вучиќ во интервју за ТВ Прва- пренесе Политика.

Тој изјави дека владата направила многу и го променила лицето на земјата, истакнувајќи ги километрите изградени автопати и железници, научните и технолошките паркови, новите фабрики, повисоките плати и пензии, стабилниот курс на динарот и нискиот јавен долг, кој е двојно поголем од просекот на Европската Унија. Сепак, Вучиќ ги призна и своите недостатоци.

-Не успеавме да направиме многу. Најнезадоволен сум кога гледам дека не покажавме доволно грижа за обичниот човек, кога гледам дека луѓето чувствуваат дека не им се посветува доволно внимание. Работите никогаш не се идеални никаде, не можат да бидат ни тука- додаде претседателот.

Вучиќ, исто така, ја повтори својата претходна најава дека Српската напредна партија ќе го претстави името на својата листа, план и програма за изборите, кои тој прецизираше дека ќе се одржат на есен, на митинг на 27 јуни во Белград.

Оставка ќе поднесам за три или четири месеци, размислувам за кандидатура за премиер, најави Вучиќ