Доларот малку падна во однос на кошничката валути минатата недела, бидејќи инвеститорите очекуваа крај на војната на Блискиот Исток, додека еврото зајакна откако Европската централна банка ги зголеми каматните стапки.

Индексот на доларот, кој ја мери вредноста на американскиот долар во однос на шест главни валути, падна за 0,3 проценти минатата недела на 99,80 поени.

Американската валута ослабе и во однос на јапонскиот јен, за 0,05 проценти, при што доларот падна на 160,20 јени.

Во првата половина од неделата, индексот на доларот се движеше околу нивото од 100 поени, поради тензиите на Блискиот Исток и зголемената инфлација во САД.

Минатата недела беше објавено дека потрошувачките цени во САД се зголемија за 0,5 проценти на месечна основа во мај, со што годишната инфлација достигна 4,2 проценти, највисоко ниво од април 2023 година.

Со инфлацијата што е далеку над целта од 2 проценти на американската централна банка, сè појасно е дека Федералните резерви би можеле да ги зголемат каматните стапки до крајот на годината.

Европската централна банка ги зголеми каматните стапки