Јахта се запалила и потонала во саботата навечер во близина на населбата Дубровник Затон, објавија денес хрватските медиуми, наведувајќи дека во моментот на пожарот немало екипаж или патници на бродот.

Надлежните служби добиле пријава за пожарот во 18:55 часот, соопшти хрватското Министерство за море, транспорт и инфраструктура, а веднаш по приемот на пријавата, службеници од Пристанишната управа во Дубровник отпловиле со спасувачкиот брод „Данче“ кон пријавената локација, објавува порталот Indeks.hr.

По пристигнувањето на местото на инцидентот, ја пронашле моторната јахта во пламен, а локацијата веќе ја обезбедиле припадници на противпожарната служба на Дубровник.

Според првичните информации, пожарот избувнал додека јахтата, во сопственост на хрватска компанија, била закотвена на ’ртот Бат, недалеку од влезот во заливот Затон.

И покрај напорите на пожарникарите од Дубровник, јахтата потона околу 20:00 часот на длабочина од околу 30 метри и во моментов не претставува опасност за поморскиот сообраќај.

Нови евакуации во Хрватска, повторно стигнале дојави за бомби