Луис Хамилтон стигна до својата прва голема победа како возач на Ферари, откако триумфираше на трката за Големата награда на Шпанија во Формула 1.

За Хамилтон ова беше 106-та победа во кариерата, со што дополнително го зацврсти својот статус како еден од најуспешните возачи во историјата, но исто така стигна и седма на оваа патека во Барселона со што го остави зад себе Михаел Шумахер со кого имаа по шест.

Британецот прв мина низ целта, оставајќи ги зад себе Џорџ Расел и Ландо Норис, кои ги комплетираа местата на победничкиот подиум.

Кими Антонели кој беше во серија од пет победи во низа и лидер во генералниот пласман не ја заврши трката поради проблем со болидот во финишот од трката, а повторно до целта не стигна и Шарл Леклер кој имаше инцидент и претходниот викенд во Монако.