Натпреварот меѓу Бразил и Мароко, кој заврши без победник 1-1, донесе неколку спорни судиски моменти, а најмногу внимание привлече дуелот меѓу Ашраф Хакими и Винисиус Жуниор.

По еден старт на мароканскиот дефанзивец, дел од фудбалската јавност оцени дека станувало збор за прекршок за директен црвен картон. Хакими стартуваше со отворен ѓон врз бразилскиот напаѓач, а многумина сметаат дека на тој начин сериозно ја загрозил безбедноста на противничкиот играч.

Сепак, словенечкиот судија Славко Винчиќ не се одлучи за исклучување, а ниту ВАР не интервенираше за да ја промени одлуката на главниот арбитар. Меѓу оние кои јавно го критикуваа судењето беше и поранешниот шведски напаѓач Златан Ибрахимовиќ.

„Кога ја видов ситуацијата, мојата прва реакција беше дека судијата требаше веднаш да реагира и да покаже црвен картон“, изјави Ибрахимовиќ.

Тој нагласи дека при вакви стартови не смее да се прават компромиси без оглед на имињата на играчите или важноста на натпреварот.

„Не станува збор за репутација или за моментот во натпреварот, туку за безбедноста на фудбалерите. Напаѓачот веќе го помина противникот, опасноста беше очигледна, а контактот дојде предоцна“, додаде легендарниот голгетер.

Shouldn’t this Hakimi challenge on Vinicius a red card 🤔 pic.twitter.com/f7pPzEzXOh

— The Nassr Tribune™️ (@AlNassrTribune) June 14, 2026

Анчелоти: Не сум задоволен, очекував подобро да го почнеме Мундијалот

ВИДЕО | Новинарка го налути легендарниот Ромарио: Кој не разбира фудбал размислува како тебе

Анчелоти: Не сум задоволен, очекував подобро да го почнеме Мундијалот