Јавноста во Чешка одново е згрозена од бизарниот случај кој деновиве доби судска разврска — 12-годишно девојче уште лани родило дете без никој од нејзиното семејство или околина да забележи дека е бремено. Според чешките медиуми, утврдено е дека девојчето го силувал братот, кој тогаш имал 15 години.

Малолетниот силувач е осуден на три години условно, со задолжително лекување и мониторинг.

Девојчето потекнува од село во регионот Карлови Вари, недалеку од германската граница. Според медиумските извештаи, ниту семејството ниту училиштето не ги препознале нејзините телесни промени како знаци на бременост, а зголемувањето на телесната тежина очигледно го припишувале на други причини.

Вистината излегла на виделина дури на почетокот на јули 2025 година, кога девојчето поради силни болки било итно пренесено во болница, а таму се покажало дека болките всушност биле породилни болки.

Норвешкото обвинителство бара седум години затвор за синот на принцезата, обвинет за силување