Селекторот на Бразил, Карло Анчелоти, не го криеше разочарувањето по ремито 1-1 против Мароко во првото коло од Светското првенство.

Мароканците први дојдоа до предност преку Исмаил Саибари, а Бразил избегна пораз благодарение на одличниот погодок на Винисиус Жуниор во второто полувреме.

И покрај освоениот бод, искусниот италијански стратег призна дека очекувал многу повеќе од своите избраници.

„Не го започнавме натпреварот онака како што планиравме и тоа ме загрижува. Загубивме премногу дуели и премногу лесно му го препуштивме поседот на противникот. Во продолжението бевме подобри, но ова беше навистина тежок натпревар против квалитетна репрезентација како Мароко“, изјави Анчелоти.

Тој посебно се осврна на слабото издание на неговиот тим во првите 45 минути.

„Имавме проблеми да се справиме со нивниот висок пресинг и не успеавме да воспоставиме контрола врз играта. Искрено, не сум целосно задоволен. Очекувавме подобар почеток на турнирот, но понекогаш вакви работи се случуваат. Сега нашето внимание е насочено кон следниот предизвик“, порача Анчелоти.

ВИДЕО | Австралија ја шокираше Турција, Шкотска минимално славеше против Хаити

ВИДЕО | Бразил одигра реми против Мароко, стрелци Саибари и Винисиус Жуниор