На денот на кој специјалци влегоа на Филозофскиот факултет во Нови Сад на повик на деканот и брутално тепаа и бркаа студенти, српскиот министер за финансии Синиша Мали од Давос објави дека потпишал договор со американската компанија „Арчер Авиејшн“, Нихил Гоел, за воведување услуги на летечки такси-возила во Србија.

Додека Мали го потпишувал договорот, присутен бил и српскиот претседател Александар Вучиќ, заедно со основачот и извршен директор на „Арчер“, Адам Голдштајн, јавија српските провладини медиуми.

„Воодушевен сум што имавме можност да потпишеме договор со „Арчер Авиејшн“. За нас е важно да соработуваме со една од најдобрите и најсилните компании во светот во однос на технологијата, да ја донесеме најсовремената американска технологија во Србија и да бидеме долгорочни партнери“, рече Вучиќ.

Додека српскиот претседател од Швајцарија најавуваше проекти од високата технологија, во Нови Сад, градот-извор на протестите на студентите против неговиот режим, на Филозофскиот факултет се случи брутална интервенција на полицијата. Десетици полициски специјалци, кои ги повика деканот, влегоа во аулата и почнаа да ги тепаат со палки и да ги влечат студентите кои имаа намера да ја блокираат работата на факултетот.

Студентите, професорите и граѓаните и натаму се пред зградата на факултетот, пред која е поставен полициски кордон.

ВИДЕО | Хаос на Филозофскиот факултет во Нови Сад: Десетици специјалци тепаа и бркаа студенти