Германскиот тенисер Александар Зверев обезбеди место во финалето на Ролан Гарос по триумфот над Чехот Јакуб Меншик, но по мечот во центарот на вниманието се најде поради својата необична изјава.

Во разговор по полуфиналниот меч, Зверев беше запрашан како се справува со притисокот и што размислува пред излегувањето на теренот. Неговиот одговор изненади многумина.

„Се обидувам целосно да ја испразнам главата и да не размислувам за ништо. Искрено, ние спортистите немаме баш многу во главата. Понекогаш е полесно едноставно да не размислуваш премногу“, изјави германскиот тенисер.

Неговите зборови предизвикаа бројни реакции, а меѓу првите што јавно го критикуваа беше поранешната француска тенисерка Ализе Корне.

„Навистина сум изненадена од оваа изјава. Ако зборува за себе, тоа е негов избор, но со ваквите зборови ги стави сите спортисти во ист кош. Кога подобро ќе размислите, навистина е неверојатно да се каже нешто такво на централниот терен. Тоа е непочитување кон спортистите и кон нивната професија“, изјави Корне.

“We’re athletes. Very few of us have anything in our head”

Alexander Zverev on what he thinks while waiting to step on to Court Philippe-Chatrier 😅 pic.twitter.com/xZvVpE8P5u

— TNT Sports (@tntsports) June 5, 2026