Младата пејачка Оливија Родриго го прекина својот концерт во Вашингтон за да зборува за правото на жените на абортус.

19-годишната Оливија запре меѓу песните за да и се обрати на публиката.

„Бидејќи сме во Вашингтон, не можев да ја пропуштам можноста да кажам колку ми се кине срцето поради потенцијалната одлука на Врховниот суд. Нашите тела никогаш не треба да бидат во рацете на политичарите“, рече таа и доби поддршка од публиката.

🎥 | Olivia talked about women’s abortion rights tonight at #SOURTOURdc💚 pic.twitter.com/emQoggVfnV

— Olivia Rodrigo Daily (@DailyRodrigo) May 5, 2022

„Се надевам дека можеме да го кренеме гласот за да го заштитиме нашето право на безбеден абортус, право за кое многу луѓе пред нас работеа толку напорно за да го постигнат“, додаде тинејџерката, која Билборд ја прогласи за жена на годината.

За потсетување, судиите во американскиот Врховен суд се подготвуваат да го повлечат еден од најважните потези во поновата американска историја – укинување на пресудата „Roe vs. Wade“, која на жените во САД им го гарантираше правото на абортус, надвор од законите на поединечните држави.