Андреас Трајковски постигна нов врвен резултат откако беше првопласиран во скок во далечина на атлетскиот митинг во Штутгарт, Германија.

Македонскиот атлетичар продолжува да реди успеси на меѓународната сцена, со скок од 7,67 метри во последната серија го освои првото место.

На втората позиција се најде Марко Чеко од Хрватска (7,65 метри), а на третото место Дамаркус Симпсон од САД (7,41 метри).

Резултатите од сите натпреварувачи можете да ги погледнете на следниот ЛИНК, а на видео записот и скокот на Трајковски.

Потсетување дека Трајковски минатата недела со скокот од 7,75 метри дојде до бронзата на Балканијадата во Краљево, Србија.

Пред настапот во Штутгарт се наоѓаше на 22 место на Европската ранг листа, а на 70 место на Светската ранг листа.