Екипата на Партизан е првиот финалист во АБА лигата, откако со 2-0 во серијата ја елиминираше Црвена звезда.

По победата во првиот натпревар пред три дена, „црно-белите“ славеа и вечерва со 89-78 и без поголеми проблеми ја завршија полуфиналната серија.

Партизан уште од почетокот ја презеде контролата на натпреварот. Првата четвртина ја доби со 28-16, а на полувреме замина со предност од 49-33. Во третата четвртина разликата отиде и на 20 поени (60-40), по што Црвена звезда не успеа да се врати во натпреварот и во ниту еден момент не ја намали разликата на едноцифрена.

Во финалето, Партизан ќе го чека подобриот од дуелот меѓу Дубаи и Будуќност, каде тимот од Обединетите Арапски Емирати поведе со 1-0 по победа од 104-90.

Ова беше шести меѓусебен дуел сезонава меѓу вечните ривали во три натпреварувања, а Партизан сега има четири победи наспроти две на Црвена звезда.

За Црвена звезда ова е втора сезона по ред во која настапот во АБА лигата го завршува во полуфиналето.