ВИДЕO | Огромен кит се насука на брегот на Њујорк
Од декември, 15 китови мистериозно се појавиле на источниот брег на САД, а последниот во оваа серија е грбавиот кит долг 7,6 метри кој се насука на брегот на американската сојузна држава Њујорк. Научниците сè уште не знаат што го предизвикува.
„Тоа е машки грбав кит. Ова е прв таков случај на оваа област во последните пет години. Ова е најголемиот кит кој се насукал на овие брегови во повеќе од една деценија”, рекол Дон Клавим од градот Хемпстед, како што пренесува Би-Би-Си.
Експертите наведуваат дека засега не гледаат причина за вакви инциденти, а локални активисти и научници се обидуваат да ја откријат причината за проблемот. Некои сметаат дека вината за насукувањето на китовите е поставувањето на ветерни електрани долж брегот, но локалните власти наведуваат дека нема докази за такво нешто.
„Засега не гледаме ништо што би можело да им наштети на китовите“, рече Синди Зиф, директорка на „Клин Оушн Екшон“.