Американскиот претседател Доналд Трамп влезе во остра вербална расправија со новинарка на „АБЦ Њуз“, откако таа го праша зошто неговата администрација се занимава со проекти за обнова додека трае војната со Иран, а цените на горивата нагло растат.

„Затоа што сакам нашата држава да остане убава и безбедна“, одговори Трамп.

Тој потоа жестоко нападна поради прашањето, оценувајќи го како „глупаво“.

„Поставивте толку глупаво прашање. Го уредуваме рефлектирачкиот базен кај Меморијалот на Линколн, го обновуваме споменикот на Вашингтон, а вие прашувате: ‘Зошто го поправате тоа?’“, рече американскиот претседател.

Трамп не застана тука, туку продолжи и со лични навреди кон новинарката, нарекувајќи ја „една од најлошите новинарки“ и „вистинска катастрофа“.

„Можеби вие подобро се разбирате во нечистотија од мене, но јас тоа нема да го дозволам“, изјави тој.

Во продолжение, повторно се наврати на нејзиното прашање, претставувајќи го како пример за однос кон јавните простори и спомениците.

„Таа прашува: ‘Зошто воопшто да се мачиме со поправките?’ Зошто би се трудел да извадам 11 или 12 камиони нечистотија од водата кај меморијалот на Линколн? Токму тоа ја направи нашата држава голема“, рече Трамп.

На крајот, тој оцени дека таквото прашање е „срам за нашата држава“.

ABC: “Against the backdrop of the war in Iran, why focus on all these projects right now when we’re seeing gas prices soar?”

Trump: “Because I want to keep out country beautiful and safe…It’s such a stupid question that you asked. We’re fixing up the Reflecting Pond to the… pic.twitter.com/6GntcyJfP3

— The Bulwark (@BulwarkOnline) May 8, 2026

Трамп вели дека војната „ќе заврши брзо“, додека Иран „сè уште го разгледува“ американскиот предлог