ВИДЕО: Мајк Тајсон во форма, удира како момче
За кого се подготвува легендарниот Тајсон (56)? Последното видео од рингот покажува дека е во полн тренинг
Боксерската легенда Мајк Тајсон (56) и во поодминати години делува фит и опасно на рингот како што покажува видеото на кое тој спарингува со тренерот Рафаел Кордеиро.
Пред две години бевме сведоци на враќањето на Тајсон на рингот во егзибициски меч од осум рунди против Рој Џонс Џуниор. Оттогаш и покрај гласините Тајсон се уште не го направил својот кам-бек на рингот.
Но секогаш кога ќе се појави видео-клип што го покажува „железниот“ како тренира фановите на боксот се желни да видат колку тој навистина може да даде на рингот.
Mike Tyson sparring with his trainer at age 56…
[📽️ Rafael Cordeiro] pic.twitter.com/sdIRCinVg5
— Michael Benson (@MichaelBensonn) July 16, 2022
Последни гласини се дека се подготвува меч на Тајсон против јутјуберот Џејк Пол, кој има милиони следбеници. Тајсон во едно интервју ги охрабри ваквите гласини.
– Се е можно, но мора да се случи годинава. Може да биде интересно. Тој е доволно вешт, го признавам тоа затоа што победува – изјави Тајсон.
Според предвидувањата, меч помеѓу овие двајца би можел да „сврти“ 300 милиони долари.