Лејди Гага била принудена да го прекине својот настап во Сиднеј среде концерт откако еден од нејзините танчари паднал од бината поради обилниот дожд, пренесува „Билборд“.

Настапот се одвивал на отворениот стадион Акор (Accor) во Сиднеј, а дожд паѓал целиот концерт. Гага започнала со сет-листата од 31 песна, изведувајќи хитови како „Judas“, „Poker Face“ и „Aura“, пред да дојде до инцидентот.

The show stopped for a second time during Garden of Eden after a dancer fell off stage and was injured because of the persistent rain. “If you could just give us five minutes, I just wanna get some proper grooves on the shoes of the dancers,” Lady Gaga said. pic.twitter.com/fKltrlRQJh

— The Mayhem Ball (@MayhemBallTour) December 13, 2025

Два часа по започнувањето на настапот, незгодата предизвикала привремено прекинување на настанот. На мократа подлога, танчарите брзо се упатиле кон предниот дел на бината. Еден од нив, по име Мајкл Дамески, паднал за време на кореографијата, а пејачката веднаш го прекинала настапот.

Лејди Гага и нејзините танчари се повлеклеза време на неочекуваната пауза за да најдат соодветна облека и обувки. Потоа продолжиле со настапот, со изведби на песни како „Rain On Me“, „How Bad Do You Want Me“ и „Always Remember Us This Way“.

Фановите ја поздравиле постапката на Гага, а танчарот подоцна се огласил на Инстаграм за да им се заблагодари на сите фанови кои го контактирале за да проверaт како е.