ВИДЕО: Јокиќ со „трипл-дабл“ за историја, го престигна и легендарниот Лери Бирд

Никола Јокиќ („Денвер нагетс“) стигна до 9000 поени во НБА кариерата/Фото: EPA-EFE/ERIK S. LESSER

Доцна синоќа во НБА лигата Чикаго триумфираше на домашен терен против Денвер со резултат 109:97 за вкупно четврта победа по ред и моментно второ место во Источната конференција (17-8).

За Булси доминираше Зек ЛеВин со 32 поени и осум асистенции, а по 20 поени помогнаа Лонзо Бол и Никола Вучевиќ. Најефикасни во редовите на Нагетси беа Вил Бартон и Монте Морис (седум асистенции) со по 19 поени.

Српскиот интернационалец Никола Јокиќ имаше уште една добра партија, запишувајќи „трипл-дабл“ учинок од 17 поени, 12 скокови и 15 асистенции.

Јокиќ уште еднаш се запиша во историјата на НБА лигата, односно на вечната листа го престигна легендарниот Лери Бирд (кој застана на 59) по бројот на постигнати „трипл-дабл“ ефекти. За Србинот ова беше 60. „трипл-дабл“ во НБА кариерата и моментно е на осмото место на вечната листа и наскоро би можел да го престигне и Џејмс Харден (62).

НБА лига, резултати –

Шарлот – Филаделфија 124:127, 119:119 (по 1. продолжение)
Детроит – Оклахома 103:114
Индијана – Вашингтон 116:110
Мајами – Мемфис 90:105
Чикаго – Денвер 109:97
Милвоки – Кливленд 112:104
Минесота – Атланта 110:121
Феникс – Сан Антонио 108:104
Голден Стејт – Орландо 126:95
Портланд – Лос Анџелес Клиперс 90:102

Јокиќ урна рекорд на легендарниот Мајкл Џордан

Видео на денот