ВИДЕО: Израелски ракети ја уништија и најголемата спортска сала во Техеран, останаа само урнатини
Во еден од нападите врз Иран од страна на САД и Израел, погоден и уништен од ракетите беше и познатиот спорски комплекс „Азади“ во Техеран.
Препорачано
Според информациите што ги пренесуваат медиумите, во нападот е уништена спортска сала со капацитет од околу 12.000 гледачи, која се наоѓала во рамките на комплексот. Овој објект претходно се користел за одржување на различни спортски натпревари, меѓу кои кошарка, одбојка и други спортови кои се играат во затворено.
Видеоснимките што се појавија на социјалните мрежи прикажуваат урнати делови од кровната конструкција и густ чад што се издига над погодениот дел од комплексот. На снимките може да се забележи дека објектот претрпел сериозни оштетувања, а делови од салата се целосно урнати.
Иранските медиуми пренесуваат дека освен самата сала, оштетени се и други објекти во непосредна близина.
Спортскиот комплекс „Азади“ важи за еден од најголемите спортски центри во Иран, а во негов состав се наоѓа и познатиот стадион Азади, кој е меѓу најголемите стадиони на Блискиот Исток.
🚨 FRAPPE US-ISRAÉLIENNE SUR TÉHÉRAN: L’ARENA D’AZADI RAYÉE DE LA CARTE !
🇺🇸🇮🇱⚔️🇮🇷 Nouvelle escalade brutale dans la guerre USA-Israël contre l’Iran : des frappes conjointes ont pulvérisé l’arène couverte de 12 000 places du complexe sportif Azadi à l’ouest de Téhéran ce matin… pic.twitter.com/rv0v8k9lqp
— Camille Moscow 🇷🇺 🌿 ☦️ (@camille_moscow) March 5, 2026
