ВИДЕО | Изгледа како чинијата која сите ја имаме дома: Но токму оваа на нејзиниот сопственик му донела милиони!
На аукција во Соединетите Американски Држави за 721.800 долари е продадена порцеланската чинија која сопственикот ја купил минатата година за само 35 долари на распродажба.
Станува збор за кинеска порцеланска чинија која датира од 15-от век и периодот на Династијата Минг, а аукцијата е организирана во аукциската куќа „Sotheby’s“ во Њујорк.
Белиот сад со сини мотиви наводно е направен за дворецот на царот Јонг Ли кој бил третиот владетел во Династијата Минг.
Преостанатите садови од тој сет се наоѓаат во музеите во Тајван, Иран и во Велика Британија.
Среќниот сопственик оваа вредна чинија ја купил минатата година на распродажба на стока покрај една куќа во Конектикат и за неа платил 35 долари.
По купувањето тој сакал да дознае нешто повеќе за порцеланската чинија, па ја однел на проценка, а кога експертите ја здогледале веднаш знаеле дека таа е чинијата од Династијата Минг од 15-от век.
Почетната цена на аукцијата изнесувала 200.000 долари, но започнала да се зголемува и достигнала сума од 580.000 долари, а со сите такси на крајот нејзината целосна сума изнесувала 721.800 долари. Познатата аукциска куќа ја процени чинијата на износ од 300.000 до половина милион долари.