ВИДЕО: Џабе ѕверската партија на Јанис, Милвоки загуби од Шарлот
Шампионот Миквоки бакс е поразен на гостувањето кај Шарлот хорнетс со 114:106 иако Јанис Адетокумпо имаше неверојатна вечер. Гркот натпреварот го заврши со 43 поени и 12 скокови, Крис Мидлтон постигна 27, но причина за поразот е што останатите играчи на Милвоки заедно дадоа само 36 поени. Кај Шарлот најдобри беа Тери Розиер со 28 поени и Мајкл Бриџис со 21 поен.
Во дербито на вечерта, Мајами хит со 123:100 го победи Феникс санс кој се уште има една победа повеќе од Голден Стејт вориорс и е најдобар тим во НБА Лигата со скор од 30 триумфи и само девет порази.
„Сонцата“ немаа решение за одличните шутери на Мајами кои погодија 22 тројки од 44 обиди. Тајлер Хироу со 33 поени беше најдобар кај Мајами, а Данка Робинсон постигна 27 поени и погоди дури осум тројки.
Одлична вечер имаше и Домантас Сабонис кој со 42 поени е најзаслужен за победата на Индијана од 125:113 над Јута џез.
Резултати:
Шарлот – Милвоки 114:106
Детроит – Орландо 97:92
Индијана – Јута 125:113
Бостон – Њујорк 99:75
Феникс – Мајами 100:123