ВИДЕО: Цел натпревар за Елмас, Гранада го изненади Наполи!
Се комплетираа сите први натпревари од 1/16 финалето во фудбалската Лига Европа, Наполи на македонскиот репрезентативец Елиф Елмас загуби на гостувањето кај Гранада со 2:0.
Нашиот играч беше стартер во составот на Џенаро Гатузо и го одигра целиот меч во Шпанија, воедно во првото полувреме доби жолт картон.
Домаќините успеаја да дојдат до победата со головите на Херера во 19 и Кенеди во 21 минута од средбата. Реваншот на стадионот „Диего Армандо Марадона“ во Неапол е на 25 февруари.
Арсенал ремизираше 1:1 на неутралниот терен во Рим против Бенфика, Португалците стекнаа водство од 55 минута од пенал кој го реализираше Пици, а „топџиите“ израмнија преку Сака 120 секунди подоцна.
Многу блиску до пласман во следната фаза е Шахтјор Доњецк кој со 0:2 во Израел го совлада Макаби Тел Авив. Стрелци на головите за украинскиот претставник беа Алан Патрик (31`) и Тете (90+3`).
Лига Европа
1/16 финале, први натпревари –
Антверп – Ренџерс 3:4
Бенфика – Арсенал 1:1
Гранада – Наполи 2:0
Лил – Ајакс 1:2
Макаби Тел Авив – Шахтјор Доњецк 0:2
Молде – Хофенхајм 3:3
Салцбург – Виљареал 0:2
Лига Европа: Радост за Адеми и Ристовски, Јунајтед пресилен за Реал Сосиедад!