Членовите на британското кралско семејство во понеделникот се собрале на традиционалната церемонија по повод Денот на Комонвелтот во Вестминстерската опатија, каде пред камерите изгледале хармонично и расположено. Но, зад кулисите, според тврдењата на британските медиуми, атмосферата била многу понапната. Експертка за читање од усни тврди дека принцот Вилијам отворено ја изразил својата фрустрација поради Ендру Маунбатен-Виндзор во текот на краткиот разговор со својата тетка, принцезата Ана.

Денот на Комонвелтот традиционално го симболизира единството на британската монархија и 56-те земји од Комонвелтот. Меѓутоа, овогодишната церемонија во Вестминстерската опатија не поминала без контроверзии.

Пред црквата протестирале активисти на организацијата „Републик“, носејќи жолти транспаренти со пораки како „Не е мој крал“ (Not my king), насочени против кралот Чарлс Трети.  Притоа, демонстрантите повторно го отвориле прашањето за скандалите поврзани со принцот Ендру.

Експертката за читање од усни, Никола Хиклинг, тврди за британски „Дејли мејл“ дека кралот Чарлс во текот на церемонијата ѝ рекол на принцезата Ана дека ситуацијата пред црквата „не е добра“ и дека е „доста напната“.

Во таква атмосфера, тврди Хиклинг, принцот Вилијам наводно за време на кратката размена на зборови со принцезата Ана ставил до знаење колку е фрустриран од ситуацијата. Според нејзиното толкување, Вилијам рекол: „Искрено, доста ми е да го слушам неговото име“.

Набљудувачите веруваат дека оваа изјава упатува на растечкото незадоволство на принцот Вилијам поради скандалите што веќе со години го следат неговиот чичко Ендру, а кои редовно го оштетуваат угледот на британската круна. Хиклинг додава дека не можела да разбере што принцезата Ана претходно му рекла на Вилијам, бидејќи во тој момент стоела со грбот свртена кон камерите.

Мајка од пеколот: Сара Фергусон ги носела своите ќерки на ручек со Епстин и ги откривала нивните тајни

Поранешниот британски принц Ендру е уапсен поради скандалот со Епстин