Поранешниот принц Ендру е уапсен денеска во врска со скандалот со Епстин, информираше Би-би-си.

Британската полиција денес отиде во домот на Ендру Маунтбатен-Виндзор, во источна Англија, според „Дејли Телеграф“.

Истиот извор рече дека патролни возила со конвенционални регистарски таблички и околу осум полицајци во цивилка биле видени како пристигнуваат во Вуд Фарм во Сандрингем утрово.

Претходно денес, Кир Стармер рече „никој не е над законот“ кога беше прашан за Ендру Маунтбатен-Виндзор, но избегна да каже дали поранешниот принц треба доброволно да се предаде на британската полиција.

„Мислам дека ова е прашање за полицијата, тие ќе спроведат свои истраги, но еден од основните принципи на нашиот систем е дека сите се еднакви пред законот и никој не е над него“, изјави тој за Би-би-си.

„Тоа е многу важен принцип на нашата земја… и треба да се примени во овој случај на ист начин како што би се применил во кој било друг“, додаде тој.

Полицијата во долината Темза претходно во февруари соопшти дека истражува наводи дека Маунтбатен-Виндзор наводно му доставил доверливи владини документи на Џефри Епстин, врз основа на неодамна објавени досиеја.

BREAKING: Andrew Mountbatten-Windsor has been arrested on suspicion of misconduct in public office, according to Thames Valley Police.

Read more: https://t.co/8W5qVkwuCB

📺 Sky 501, Virgin 602, Freeview 233 and YouTube pic.twitter.com/XoziM5IgL9

— Sky News (@SkyNews) February 19, 2026

Поконкретно, апсењето е поврзано со доверливи документи за кои се тврди дека му биле предадени на педофилот -финансиер од братот на кралот Чарлс III во периодот кога тој служел како трговски претставник.

„Дејли Телеграф“ претходно објави дека британската полиција отишла во резиденцијата на Маунтбатен-Виндзор во источна Англија. Истиот извор рекол дека патролни возила со конвенционални регистарски таблички и околу осум полицајци во цивил биле видени како пристигнуваат во Вуд Фарм во Сандрингам.

Се потсетува дека полицијата од долината Темза претходно во февруари изјави дека истражува наводи дека Маунтбатен-Виндзор наводно му доставил доверливи владини документи на Џефри Епштајн, врз основа на неодамна објавени досиеја. Истата истрага ги испитуваше наводите дека втора жена била испратена во Велика Британија од Епштајн за да има сексуална средба со Ендру , но денешното апсење се чини дека е поврзано само со прекршување на должноста.

Маунтбатен-Виндзор, третото дете на покојната кралица Елизабета, отсекогаш негираше какво било кривично дело во врска со Епштајн и рече дека жали за пријателството со него. Сепак, тој не одговори на барањата за коментар откако беа објавени документите.

-Како дел од истрагата, денес (19/2) уапсивме маж на возраст од околу 60 години од Норфолк под сомнение за злоупотреба на јавна функција, додека се вршат претреси на адреси во Беркшир и Норфолк. Мажот останува во притвор. Нема да го објавуваме името на уапсеното лице, во согласност со националните упатства. Исто така, би сакале да ве потсетиме дека случајот сега е во активна фаза, затоа е потребна претпазливост во секое објавување, за да не се наруши судот – соопшти полицијата.

Портпаролот на полицијата изјави: „По темелна проценка, продолживме со отворање истрага за жалбата за злоупотреба на јавна функција. Важно е да го зачуваме интегритетот и објективноста на нашата истрага, додека соработуваме со нашите партнери за да го истражиме наводното кривично дело. Го разбираме силниот јавен интерес во случајот и ќе дадеме ажурирања навремено.“

На ранчот на Епстин почна потрагата по закопаните тела на две девојчиња

Вистината излезе на виделина: Принцот Ендру одбил да потпише изјави за поддршка на жртвите на злоупотреба