ВИДЕО: „Бикот од Мајорка“ во полуфиналето на парискиот Мастерс!
Рафаел Надал е во полуфиналето на Мастерс турнирот во Париз (Франција), после големата борба од два часа и 15 минути со Пабло Карењо-Буста кој го совлада со 4:6, 7:5 и 6:1.
Карењо-Буста првиот сет го одигра без грешка, не му дозволи на Надал ниту една брејк шанса, а искористи една од две – 6:4. Во вториот сет веќе во првиот гем имаше три можности за одземање на сервис на противникот, а Надал како што поминуваше мечот беше сè посигурен.
На крајот во 12 гем направи брејк за 7:5. Во третиот решавачки сет ништо не можеше да го запре Шпанецот освојувајќи го 6:1 за конечни 2:1.
Breathtaking ?
?: @TennisTV | @RafaelNadal | @RolexPMasters pic.twitter.com/8ukjSsvIAI
— ATP Tour (@atptour) November 6, 2020
За пласман во големото финале Надал ќе игра со подобриот од дуелот А. Зверев (Германија)-С. Вавринка (Швајцарија).
Веќе е позната првата полуфинална двојка, Медведев ќе се соочи со Раониќ. Русинот убедливо со 6:3 и 6:1 го елиминираше Шварцман од Аргентина, а канадскиот натпреварувач со 6:3, 3:6 и 7:6 (7) беше подобар од Французинот Умбер.