ВИДЕО: Андоновски и САД ја забележаа првата победа на Игрите во Токио

Фото: EPA-EFE/KIMIMASA MAYAMA

Продолжија натпреварите од женскиот фудбалски турнир на Летните олимписки игри во Токио, а репрезентацијата на САД ја оствари првата победа.

Американките кои во првиот меч беа изненадени со високиот пораз од Шведска (3:0), денеска во рамките од групата „Г“ го совладаа Нов Зеланд со 6:1.

САД се предводени од Влатко Андоновски, македонскиот тренер кој како играч настапувал и во нашата земја за Работнички, Македонија ЃП и Вардар, тренерската кариера ја започна во САД, а сега ја води и американската селекција која е светски шампион од 2019 година.

Во истата група Швеѓанките ја забележаа и втората победа над Австралија (4:2) и моментно прво со шест бодови, пред САД кои имаат три.

Во групата „Ф“ Холандија ремизираше со Бразил (3:3), а Кина и Замбија одиграа уште поефикасен меч (4:4). На табелата после две кола водат Холандија и Бразил со по четири бодови, по еден Кина и Замбија.

Велика Британија дојде и до вториот триумф во групата „Е“ над Јапонија (1:0), а Канаѓанките со 2:1 беа подобри од Чиле. На табелата води Велика Британија со шест бодови, пред Канада (4), еден има Јапонија, а без бодови се Чилеанките.

ВИДЕО: Кина најдобра со четири медали на првиот ден, остварени нови олимписки рекорди

Видео на денот