ФОТО | „Ви испраќам љубов“: Џенифер Анистон го помина првиот Божиќ со момчето, сподели празнични мигови
Актерката Џенифер Анистон го помина првиот Божиќ со новото момче, Џим Кертис, а на социјалните мрежи сподели како изгледале празниците.
Препорачано
Таа објави низа фотографии, меѓу кои и една на која Кертис држи бебе. Нејзиниот избраник блеска со насмевка „од уво до уво“, јасно покажувајќи дека одлично се забавувал.
Анистон објави и фотографија од своите кучиња како позираат пред божиќната елка, како и селфи со едно од своите миленици.
Ѕвездата на серијата „Пријатели“ (Friends) позираше и во друштво на блиска пријателка, а на една фотографија откри како се релаксирала – лежејќи на кауч со маска преку очите.
„Ви испраќам љубов на сите, среќни празници!“, напиша таа во описот.
Да потсетиме, Анистон и Кертис почнаа да ги поврзуваат уште во јули, кога беа видени на јахта на Мајорка.
„Сѐ прават заедно, постојано се заедно, а кога мора да бидат разделени – цело време се на телефон“, изјави тогаш извор.
Некое време ја криеја врската од јавноста, а на почетокот на ноември актерката ја објави нивната прва заедничка фотографија на Инстаграм, посветувајќи му и топла роденденска порака: „Среќен роденден, љубов“.
Анистон има богата историја на јавни врски. Од 2000 до 2005 година беше во брак со Бред Пит, а во 2011 се омажи за Џастин Теру, со кого беше до 2017 година. Претходно беше поврзувана и со актерите Винс Вон и Пол Рад. Сите тие искуства, според извори, ѝ помогнале појасно да сфати што навистина сака во љубовта – стабилност и поддршка. Токму тоа го нашла во Џим, кој, како што велат, ѝ го променил животот.
„Сѐ во нејзиниот живот конечно си дојде на свое место и таа е навистина возбудена. Џим е најдобар – пријателите ја обожаваат неговата смиреност, топлина и огромната поддршка. Во нејзиниот живот внесе стабилна и позитивна енергија“, откри извор за странските медиуми, додавајќи дека Кертис е „фасциниран од нејзината кариера“.
