Тесто:

4 јајца
200 грама кисела павлака
1 прашок за печиво
4 лажици брашно
1 лажичка сол

Фил:

200 грама сирење
200 грама кисела павлака
300 грама салама по ваш избор
100 грама мајонез
100 грама кашкавал

Подготовка:

За да го подготвите тестото за оваа солена торта, јајцата треба да ги изматите со миксер, а потоа во нив да ги додадете киселата павлака, прашокот за печиво, брашното и солта.

Вака подготвеното тесто убаво измешајте го и ставете го да се пече во претходно загреана рерна на температура од 150 степени околу 25 минути.

Откако тестото ќе се испече, извадете го од рерна и оставете го да се излади. Кога ќе ја постигне посакуваната температура, завиткајте го во водена крпа во форма на ролат. Оставете ја кората да отстои неколку минути.

Во подлабок сад, изрендајте го сирењето, додајте ги киселата павлака, ренданата салама, ренданиот кашкавал и мајонезот. Со лажица убаво измешајте ги намирниците.

Одвиткајте го тестото и филувајте го со претходно подготвениот фил. Повторно завиткајте го во ролат.

Одозгора премачкајте го или со мајонез или со кисела павлака. Декорирајте по ваш избор.