Утврден планот на активности за проектната апликација од „Програмата за подготвителност“

ЗКФ е најголемиот глобален фонд со кој се поддржуваат земјите во развој за справување со климатските промени.

Вицепремиерката за економски прашања Мила Царовска заедно со министерот за животна средина и просторно планирање Насер Нуредини, заменикот министер Ѓонул Бајрактар, дополнителната заменичка министерка за труд и социјална политика Санела Шкријељ одржаа координативен состанок со претставниците од Министерството за здравство, Министерството за образование и наука, како и од Германското друштво за меѓународна соработка за поддршка на институциите кои се директно насочени кон развојот на човечкиот капитал од аспект на климатски промени.

Како што рекоа по состанокот ова ќе биде фокусот на третиот проект од „Програмата за подготвителност” на Зелениот климатски фонд (ЗКФ).

Преку видео конференциска врска беше разгледан и утврден Планот на активности за развој на проектна апликација за третиот проект од „Програмата за подготвителност” на ЗКФ, претставен од страна GIZ.

На состанокот се дискутираше за досега реализираните активности и следните ангажмани на секоја од институциите. Беше потенцирано дека секторите здравство, образование и социјала ќе бидат појдовна основа од каде би се утврдиле специфични потреби за секоја област во соработка со засегнатите институции.

ЗКФ е најголемиот глобален фонд со кој се поддржуваат земјите во развој за справување со климатските промени.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот