Дејан Георгиевски денеска го бележи својот најголем успех во кариерата, македонскиот таеквондист е на чекор од олимписки златен медал на Игрите во Токио.

Нашиот натпреварувач од 14.45 часот во категоријата над 80 кг. во завршната битка за највисокото место на победничкиот подиум ќе се бори против Русинот Владислав Ларин, односно претставник на Рускиот олимписки комитет.

Многу среќа во финалето му посакува поранешниот олимписки шампион (од Игрите во Лос Анџелес, 1984 година во борење), Шабан Трстена.

– Ас над Асовите. Големите шампиони не треба да бараат среќа во спортската арена, како што нашиот шампион Дејан не отиде на Олимпијада со вајлд карта, да ја бара среќата во жрепката.

Но, самиот факт тој имаше тешки противници го правеше уште посилен, и затоа ги сруши сите по ред ги победи сите големи светски и олимписки шампиони за да стигне до финале.

Тоа е нашиот шампион – се бори со големо срце за татковината и за нацијата се до последната секунда.

Сега немам што да ти кажам, за финалето за златната историја треба да се бориш многу паметно и со одлична концентрација, секое движење со прецизно внимание. Со среќа нека ти е шампионе, Бог да биде со тебе – се зборовите на Трстена.